Edicioni i 53-të i Festivalit të Teatrove në Ferizaj, me shumë telashe (VIDEO)

Festivali i teatrove në Ferizaj, mezi po organizohet sivjet në vitin e 53-të me radhë. Ndonëse kërkuan disa herë, ngjarja sipas organizatorëve nuk u financua nga Ministria e Kulturës. "Sivjet kemi vetëm një mbështetje solide prej komunës, por kaq janë kapacitetet e saj, pjesa tjetër mbetet mes bashkëpunimit tonë dhe teatrove tjera", tha Besim Ugzmajli, organizator i Festivalit të Teatrove. E gjithë kjo i dëshpëroi artistët që po thonë se dikasteri i kulturës po vepron ‘kuturu’ si dhe nuk po komunikon shumë me grupe të artistëve. Njëjtë si organizimi i fundgushtit e fillimshtatorit, e pësuan edhe disa ngjarje tjera kulturore të këtij qyteti, duke përfshirë edhe "Mural Fest". Përfaqësuesit po thonë se nuk po duan të besojnë se pas kësaj fshihet politika. Megjithkëtë, klani nga burime mësoi se ende nuk ka përfunduar shpresa se Festivali i Teatrove mund të financohet, meqë mes pushtetit lokal e atij qendror po zhvillohen takime për një zgjidhje më afatgjatë për një buxhet të përvitshëm. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=BxgAedSb7MQ