Lajmet e fundit
Kryeministri shqiptar, Edi Rama, e ka nisur mëngjesin e sotëm duke e promovuar Aeroportin Ndërkombëtar të Kukësit.
Ai ka thënë se kjo portë e re e qiellit shqiptar po shfrytëzohet jo vetëm nga pasagjerët e Shqipërisë dhe Kosovës, por edhe nga turistët evropianë që vijnë në Shqipëri për pushime.
"MIRËMËNGJES dhe nga Aeroporti Ndërkombëtar i Kukësit me pasagjerët jo vetëm nga Shqipëria e Kosova, por edhe turistë nga Gjermania, Zvicra dhe Austria, që shfrytëzojnë këtë portë të re të qiellit tonë për të kaluar pushimet në Shqipëri, ju uroj një fundjavë të mbarë", ka shkruar Rama në Facebook.
Kryeministri shqiptar ka thënë se nga ky aeroport realizohen 12 fluturime në javë në disa qytete të Gjermanisë, Zvicrës dhe Austrisë.
