Edhe për PDK-në Ligji për Buxhetin do të përfundojë në Kushtetuese

Deputeti i Partisë Demokratike të Kosovës, Mërgim Lushtaku, vlerëson se qeveria është duke u treguar arrogante edhe me përgatitjen e projektbuxhetit të vitit 2023. Lushtaku më tej ka theksuar se buxheti pas miratimit mund të përfundojë në Gjykatën Kushtetuese. “Do të jetë buxheti i parë i Republikës së Kosovës që do të atakohet dhe do të shqyrtohet nga Gjykata Kushtetuese për shkak të një amandamentin të cilin e ka propozuar Murati ku aty shihet se buxhetin vetanak të komunave do ta marrë në buxhet të Kosovës dhe do ta drejtojë tek komunat e tyre” “Ka shumë institucione të pavarura që varen nga buxheti dhe që kanë paraqitur kërkesa në çdo komision dhe shumica me arrogancë nuk i ka kaluar ato kërkesa”, është shprehur Lushtaku, njofton Klan Kosova. “Më lejoni t’i theksoj disa prej tyre siç është Këshilli Pavarur Mbikëqyrës i Shërbimit Civil të Kosovës, , komunat të cilat varen edhe nga buxheti i Kosovës dhe shumë deputetë të cilët i kanë paraqitur kërkesat e tyre dhe nuk janë marrë parasysh nga arrogance”.