Edhe një i plagosur operohet në QKUK, dyshohet se lidhet me grabitjen në Veternik

Edhe një person i plagosur nga arma e zjarrit është dërguar në QKUK. Ai iu nënshtrua një operimi dhe gjendja e tij shëndetësore paraqitet e rëndë. Kështu deklaroi Klankosova.tv Naser Syla, drejtor i Emergjencës. "Gjendja e pacientit të dytë është shumë e rëndë. Është ekzaminuar dhe iu ka nënshtruar një operimi", tha ai. Klankosova.tv mëson se pacienti i takon nacionalitetit serb. Dyshohet se ai është njëri nga pjesëtarët e grupit i cili sot tentoi ta grabiste furgonin e një kompanie të sigurimit që barte para. Ngjarja ka ndodhur sot në hapësirat e jashtme të qendrës tregtare Albi Mall, në Veternik të Prishtinës.