Edhe në Podujevë telashe në qendrën e votimit me kusht

Telashet në sistemet për votim po vazhdojnë. Pas Mitrovicës, raportohet se edhe në Podujevë ka probleme në qendrën e votimit me kusht, në shkollën "Enver Maloku", transmeton Klankosova.tv. Sipas gazetarit Liridon Zeqiri, sistemi në këtë qendër votimi nuk po punon, me ç’rast as nuk po votohet. Drejtori dhe menaxheri i shkollës “Enver Maloku”, Agim Hamza, tha se po ka probleme në sistem. Por sipas tij, gjithçka tjetër po funksionon si duhet, transmeton Klankosova.tv. “Gjithçka është duke funksionuar sa i përket menaxhimit të qendrës, interneti është funksional, ndërsa sistemi, po dëgjoj që kanë ankesa, që herë pas herë nuk munden të qasen në sistem”, tha ai.