Edhe Finlanda suspendon përdorimin e vaksinës AstraZeneca

Finlanda është bërë vendi i fundit skandinav që e ka pezulluar procesin e vaksinimit me AstraZeneca. Ky veprim i shtetit skandinav vjen pavarësisht përfundimit të Agjencisë Evropiane të Barnave (EMA) se vaksina në fjalë është e "sigurt dhe efektive", shkruan Euronews, transmeton Klan Kosova. Autoritetet e sistemit shëndetësor në këtë vend kanë bërë të ditur se dy personave u janë shfaqur mpiksje të gjakut pas vaksinimit. Kujtojmë se janë edhe dhjetëra vende tjera evropiane që e kanë pezulluar përdorimin e kësaj vaksine për shkak të raportimeve që kanë të bëjnë me mpiksjen e gjakut. Italia, Gjermania dhe Spanja kanë thënë se do ta rinisin procesin e vaksinimit pas konfirmimit të EMA. Ndërsa Norvegjia, Suedia dhe Danimarka kanë thënë se nuk do ta heqin pezullimin.

klankosova.tv