Edhe dy raste të reja me koronavirus në Kosovë: Gjithsej 24 të prekur

Edhe dy raste të reja me koronavirus janë shënuar sonte në Kosovë. Instituti i Shëndetit Publik njoftoi se të dy janë raste që kanë pasë kontakt me të tjerët, njofton Klan Kosova. Një grua 53 vjeçare nga Suhareka dhe një burrë 43 vjeç nga Gjakova. IKSHPK njofton se sot janë testuar 77 mostra të dyshimta dhe dy nga to rezultuan pozitive. Numri i përgjithshëm shkon në 24. Nga data 08.02.2020 deri me 20.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 417 mostra të dyshimta në virusin SARS-CoV-2 dhe prej tyre, gjithsej njëzet e katër raste kanë rezultuar pozitive. Insituti ka bërë thirrje që të dëgjohen udhëzimet e institucioneve: QËNDRONI NË SHTËPI, KJO UA SHPËTON JETËN! MBANI DISTANCË SOCIALE PËR 2 METRA! NA NDIHMONI PAK QË TË JU NDIHMOJMË SHUMË!