Ylli i muzikës Ed Sheeran performoi për ekipin kombëtar të Anglisë në bazën e tyre stërvitore në Shtetet e Bashkuara, ku po përgatiten për Kupën e Botës. Tifozi i apasionuar i Ipswich Town performoi disa nga hitet e tij, duke përfshirë "Shape of You", "Bad Habits" dhe "Perfect". Performanca pasoi fitoren e tyre kundër RD të Kongos, shkruan Daily Mail.Sheeran u soll fshehurazi në hotelin ku po qëndronte skuadra e Anglisë dhe më vonë ndau foto me lojtarët në Instagramin e tij.
"Shkova të këndoja për djemtë e ekipit kombëtar në kampin e tyre stërvitor. E kam bërë këtë në turnetë e fundit dhe më pëlqen shumë, janë djem vërtet të shkëlqyer", shkroi ai.
Ai gjithashtu postoi një foto me kapitenin Harry Kane me mesazhin: "Ne besojmë te Harry Kane." Kjo nuk është hera e parë që Sheeran ka performuar për ekipin kombëtar - ai luajti gjithashtu për ta gjatë Euro 2024 në bazën Blankenhain përpara çerekfinales me Zvicrën. /Klankosova.tv
●●●
Shpërndaje këtë artikull
VZ
SHKRIMI NGA
Vanesa Zhugolli
Editorial nga Klan Kosova — ndjek prive dhe zhvillimet e tjera kryesore të vendit.
