Lajmi i përditësuar
Një veprim i papërgjegjshëm dhe i papranueshëm është regjistruar së fundmi në zonën turistike të Brezovicës, ku një qytetar është parë duke hedhur mbeturina nga vetura e tij.
Ngjarja ka ndodhur afër stazës, një zonë e frekuentuar nga vizitorë vendorë dhe të huaj. Sipas pamjeve, personi në fjalë ndaloi për pak çaste dhe hodhi mbeturinat pa asnjë hezitim, duke ndotur ambientin përreth, transmeton Klankosova.tv.
Mbrojtja e mjedisit mbetet një sfidë e përbashkët, ndërsa raste të tilla tregojnë nevojën urgjente për edukim dhe respekt ndaj hapësirave publike.
Ndërkohë, në redaksinë e Klankosova.tv është lajmëruar qytetari në fjalë, i cili ka deklaruar se komuniteti e ka atë pikë si vendin e vetëm për hedhjen e mbeturinave, ashtu siç shihet edhe në video.
Ai thotë se zona ku është hedhur bërlloku është parking dhe, sipas tij, një pjesë e betonuar e destinuar për mbeturina.
“Edhe nga komuna e Shtërpcës nuk ka asnjë përgjegjësi dhe asnjë informatë se si mund të posedohen shportat e mbeturinave apo të paguhet ky shërbim, prandaj komuniteti e ka të vetëm pikë aty ku i kanë hedh edhe shumë persona të tjerë”, deklaroi qytetari.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
