"E turpshme, i zhvillojnë forumet pa asnjë simbol të shtetit për të cilin garojnë", Muharremi për VV-në

Opinionisti Shenoll Muharremi ka kritikuar ashpër Lëvizjen Vetëvendosje që në mbledhjen e sotme të Këshillit të Përgjithshëm nuk pati asnjë simbol të shtetit të Kosovës. Ai e quajti të turpshme që ata po garojnë për t’i fituar zgjedhjet e një shteti të cilit nuk ia shfaqin simbolet. “Shih ti, i zhvillojnë forumet më të larta të partisë pa asnjë flamur apo simbol të shtetit që i paguan e ku hanë bukë. Në cilin shtet po garoni në zgjedhje?”, shkroi Shenolli në Facebook. “Të cilit shtet po i gëzoni privilegje në institucione? Respektojeni shtetin dhe qytetarin e Kosovës, si vepër e parë themelore për me qenë në gjendje me bë diçka më shumë pastaj. Turp të keni! Asnjë votë s’e meritoni me këto sjellje”.