E tradhtoi, por ish-i dashuri ia uron ditëlindjen Khloe Kardashian

Pavarësisht ndarjes jo shumë të mirë, Tristan Thompson e ka uruar ish të dashurën Khloe Kardashian me fjalët më të mira për ditëlindjen e saj të 35-të. Ylli i NBA ka postuar në Instagram një fotografi ku shihet ylli televiziv dhe vajza e tyre 14 muajshe True - fotografi që me shumë gjasë është bërë në një moment të lumtur në romancën e çiftit. “Urime ditëlindjen Khloe Kardashian. Ti je qenia njerëzore më e mirë, si nga jashtë ashtu edhe brenda, që e kam takuar ndonjëherë. Faleminderit që je një nënë e mrekullueshme për princeshën tonë True. Ajo është e bekuar që të rritet me dikë si ti. Të uroj edhe më shumë suksese dhe të dërgoj vetëm bekime pozitive. Shijoje ditën tënde Koko”, ka shkruar ai. https://www.instagram.com/p/BzOAJ5WlKkL/ Por, ky urim duket se çuditi shumë fansat e të dyve. Madje, kishte edhe prej tyre që supozuan se llogaria e Thompson në Instagram është hakuar sepse ndryshe nuk ka kuptim ky postim duke marrë parasysh se sa keq kishte përfunduar lidhja e tyre e dashurisë, transmeton Klan Kosova. Çifti u ndanë në muajin shkurt pasi u përfol se Thompson dhe shoqja e ngushtë e Kylie Jenner, Jordyn Woods kishin kaluar një natë së bashku në një ndejë në Los Angeles. Por, më vonë Woods në një intervistë me Jada Pinkett Smith kishte thënë se mes tyre kishte ndodhur vetëm një puthje dhe asgjë më shumë. Pas intervistës, Kardashian kishte reaguar duke thënë se Woods nuk duhet të gënjejë, por ta thotë gjithë të vërtetën. “Pse po gënjen Jordyn Woods? Nëse po përpiqesh ta ruash imazhin tënd duke folur publikisht në vend që fillimisht të më telefonosh dhe kërkosh falje mua privatisht, të paktën bëhu e sinqertë. Ti je arsyeja që familja ime u shpërbë”, kishte shkruar ajo në Twitter. Ky rast nuk ishte hera e vetme që ylli i Cleveland Cavaliers u akuzua se e ka tradhtuar yllin televiziv. Në vitin 2018, kur ylli i “"Keeping Up With The Kardashians" ishte shtatzënë, Thompson ishte parë duke e puthur një grua tjetër në një video që kishte dalë online.