E rrallë: Plazhi i Indisë "shtëpia" e më shumë se 100 luanëve (FOTO)

Zona bregdetare e shtetit perëndimor indian të Gujarat është janë shtëpia e më shumë se 100 luanëve. Ekspertët thonë se kjo tregon që habitati i tyre natyror po zvogëlohet. Pylli Gir në Gujarat, habitati i vetëm natyror i luanëve aziatik kishte rreth 400 luanë në vitin 2020, sipas një vlerësimi të departamentit shtetëror të pyjeve. Pjesa tjetër e shtetit ka rreth 275 luanë, nga të cilët 104 janë përhapur në 300 km të vijës bregdetare të Gujarat, shkruan BBC, transmeton Klankosova.tv.

Konservatorët thonë se lëvizja e pazakontë po ndodh sepse habitati natyror i luanëve është mbipopulluar. Studiues i jetës së egër, Nishith Dhariyatha se luanët po përshtaten me jetesën në bregdet, megjithëse një gjë e tillë sipas tij është e vështirë. "Normalisht, është e vështirë për luanët të përshtaten me një habitat bregdetar, por ata nuk kanë asnjë mundësi për shkak të mungesës së tokës", u shpreh ai. Ndryshe, luanët dikur ishin të përhapur në të gjithë vendin e Gujaras, por numri i tyre u tkurr në fillim të shekullit të 20-të, kryesisht për shkak të gjuetisë dhe thatësirës.