E rëndë: Vdes 15-vjeçari i therur nga bashkëmoshatari në Durrës, gjithçka nisi në Tik-Tok

Ka vdekur në spital 15-vjeçari nga Durrëzi, Erion Boba, i cili para pak ditësh është therur me thikë nga një bashkëmoshatar i tij. Ngjarja e rëndë kishte ndodhur pas një konflikti të nisur në rrjete sociale, i cili degjernoi në dhunë fizike. Sipas JOQ, gjat përleshjes, i mituri u godit me thikë disa herë, dhe njëra nga plagët i preku zemrën. Për 10 ditë me radhë, ai luftoi mes jetës dhe vdekjes, i shtrirë në gjendje shumë të rëndë në reanimacionin qendror në QSUT. Fatkeqësisht, përpjekjet në spital nuk mjaftuan dhe zemra e 15-vjeçarit pushoi së rrahuri sot, duke lënë pas një dhimbje të pamasë për familjen, miqtë dhe të gjithë ata që u preken nga historia e tij.