E ngarkuara me punë e SHBA-së takon Ramën

E ngarkuara me punë e SHBA-s në Shqipëri, Nancy VanHorn, ka zhvilluar një takim këtë të premte me kryeministrin shqiptar, Edi Rama. Në njoftimin e Ambasadës Amerikane në Tiranë, ku janë shpërndarë edhe disa foto nga takimi, theksohet se VanHorn ka rikonfirmoi mbështetjen e palëkundur të qeverisë së Shteteve të Bashkuara në rolin që ka Shqipëria për të çuar përpara paqen dhe zhvillimin në të gjithë rajonin, shkruan A2 CNN. “Sot, E Ngarkuara me Punë e SHBA u takua me Kryeministrin Edi Rama për të përgëzuar miqësinë e fortë dhe vlerat e përbashkëta mes vendeve tona si Aleatë në NATO dhe partnerë strategjikë. Zonja VanHorn rikonfirmoi mbështetjen e palëkundur të qeverisë së Shteteve të Bashkuara në rolin që ka Shqipëria për të çuar përpara paqen dhe zhvillimin në të gjithë rajonin”, thuhet në njoftimin e Ambasadës Amerikane. Takimi u zhvillua në vilën qeveritare në qendër të Tiranës, që njihet si vila 30, e përdorur dikur nga ish kryeministri i diktaturës Mehmet Shehu.