Pronarët e një dyqani në Massachusetts i kthyen tiketën fituese të lotarisë në vlerë prej 1 milion dollarësh një klienteje, e cila mendoi se ajo tiketë ishte humbëse dhe kërkoi që të hidhej.
Lea Rose Fiega nga Springfield kërkoi çmimin prej 1 milion dollarësh nga Lotaria Shtetërore e Massachusetts, por për pak sa nuk e humbi këtë çmim pasi ngatërroi biletën e saj gërvishtëse me një tjetër.
Abhi Shah, familja e të cilit zotëron dyqanin Lucky Stop në Southwick, tha se Fiega gërvishti biletën teksa ishte ende brenda dyqanit dhe iu drejtua nënës së Shah duke i thënë që ta hidhte tutje.
Bileta u vendos prapa banakut, ku qëndroi për 10 ditë para se Shah të vendoste të skanonte grumbujt e biletave të supozuara humbëse.
Ai tha se zbuloi që bileta nuk ishte gërvishtur plotësisht dhe e përfundoi atë për të zbuluar çmimin prej 1 milion dollarësh.
Shah foli me familjen e tij dhe ata ranë dakord që bileta të kthehej te Fiega, e cila është një kliente e rregullt dhe e njohur për familjen.
“Sapo hyri, unë i dorëzova biletën 1 milion dollarëshe dhe ajo u çudit dhe qau si fëmijë duke u ulur në tokë”, tha babai i Shah, Maunish për WWLP-TV.
●●●
EVSHKRIMI NGA
E V
Editorial nga Klan Kosova — ndjek lifestyle dhe zhvillimet e tjera kryesore të vendit.
