E jashtëzakonshme, çifti viziton 33 shtete brenda një viti për ta festuar muajin e mjaltit

Në takimin e tyre të parë, Nick dhe Zoe Aust, kishin bërë shaka se si do të udhëtonin në gjithë botën nëse lidhja e tyre e dashurisë do të funksiononte. Pasi u martuan dy vjet më vonë, ata vendosën që ta realizojnë atë që e kishin thënë dikur – ëndrrën e tyre për të udhëtuar nëpër vende të ndryshme të botës. Nick dhe Zoe lanë punët e tyre dhe udhëtuan në muajin e mjaltit që zgjati hiç më pak se 10 muaj dhe ku vizituan katër kontinente dhe 33 shtete. Por, ky udhëtim ishte unik edhe për diçka tjetër. Ata vendosën që në secilin vend që e vizitonin t’i thonin njëri-tjetrit edhe njëherë “PO” duke u betuar për dashurinë e përjetshme. Në të gjitha vendet e mrekullueshme që vizituan, çifti realizuan fotografi të jashtëzakonshme, madje Zoe e kishte pothuajse gjithmonë të veshur edhe fustanin e bardhë. “Pse jo? Jeta është e shkurtër. Visheni fustanin e bardhë përsëri dhe përsëri”, ka thënë ajo, transmeton Klan Kosova. Më poshtë po ju sjellim disa prej vendeve më të bukura në botë përmes “syrit” të këtij çifti që na ka inspiruar me udhëtimin e tyre.