E dhimbshme: I riu kosovar vdes tragjikisht në aksident në Gjermani

Një i ri kosovar ka humbur jetën tragjikisht në një aksident në Gjermani, ditën e enjte. Besnik Fana, 30-vjeçar, nuk arriti t’iu mbijetojë lëndimeve të rënda dhe vdiq, raporton Klankosova.tv Për ndarjen nga jeta të tij, ka njoftuar edhe familja Fana nga Prishtina. “Besniku do të kujtohet gjithmonë për zemrën e tij të madhe, mirësinë dhe respektin ndaj të gjithëve.” – thuhet në postimin e bërë në Facebook. Për ceremoninë mortore, familjarët kanë bërë të ditur se do ta japin njoftimin me kohë.