E dhimbshme: 19 vjeçari nga Kosova vdes pas aksidentit në ShBA

Kayden Kabashi i riu 19 vjeçar me prejardhje nga Kosova ka ndërruar jetë pas një aksidenti të rëndë me motoçikletë. Kabashi nuk i mbijetoi plagëve të marra në aksidentin që kishte ndodhur të hënën, teksa raportohet se ishte nisur për në punë, shkruan KlanKosova.tv. Sipas një postimi në "Go Found Me" Kabashi kishte mbushur 19 vjet me 19 prill të këtij viti, ndërsa sipas përshkrimit një person i kishte dalë në rrugë me veturë duke e goditur direkt atë. Në të njëjtim postim thuhet se helmeta e tij ishte thyer nga impakti i goditjes, kurse pasi u evakuua nga motoçikleta ajo kishte marrë menjëherë flakë.