“E bukura e Adriatikut” paralajmëron nisjen e sezonit turistik në Shqipëri

Kryeministri shqiptar Edi Rama ka publikuar fotografi të tragetit “E bukura e Adriatikut”, i cili ka ndaluar në portin e Durrësit, duke paralajmëruar në këtë mënyrë afrimin e sezonit turistik në këtë vend bregdetar.

Përmes një postimi në Facebook, Rama tha se turizmi në Shqipëri do të rritet kur do të ndërtohet porti i Durrësit.

“E bukura e Adriatikut”, dërgoi 81 turistë nga vende të ndryshme të botës, të cilët kanë vijuar itinerarin e planifikuar për në destinacionet turistike të Durrësit, Krujës dhe Tiranës.