Lajmet e fundit
Dy persona të moshave 17 vjeç janë arrestuar në Ferizaj pasi kanë bërë për spital një 40 vjeçar me iniciale H.A.
Policia bën me dije se të dielën rreth orës 04:55, është pranuar një informacion se, në rrugën Epopeja e Jezercit në Ferizaj, kishte ndodhur një rast i lëndimit trupor, ku personi me inicialet H.A i moshës 40 vjeçar kishte pësuar lëndime trupore nga dy persona, të cilit më pas kishin ikur nga vendi i ngjarjes dhe rasti fillimisht është cilësuar Lëndim trupor.
“I lënduari pasi ka marr ndihmën e parë mjekësore në Qendrën Emergjente në Ferizaj, për tretman të mëtutjeshëm mjekësor është dërguar në Qendrën Klinike Universitare në Prishtinë”.
Tutje, policia njofton se të miturit në prani të avokatëve mbrojtës dhe prindërve të tyre, janë ndaluar në mbajtje për 24 orë, transmeton Klankosova.tv.
“Njësia e Hetimeve të stacionit të policisë në Ferizaj, nën autorizim edhe të Prokurorit të Prokurorisë Themelore në Ferizaj, kishte nisur hetimet intensive dhe pas një pune hetimore, mbledhjes së informacioneve në terren, në po të njëjtën ditë, rreth orës 15:55 ka arrestuar dy të dyshuarit e kësaj ngjarje me inicialet E.SH ( M/K) dhe SH.N ( M/K), të moshave 17 vjeç. Pas intervistimit nga hetuesit policor, në prani të avokatëve mbrojtës dhe prindërve të tyre , me vendim të Prokurorit të rastit, dy të dyshuarit janë ndaluar në mbajtje për 24 orë , ndërsa rasti është ricilësuar “ Lëndim i rëndë trupor”, për procedura të mëtejme hetimore”.
