Dyshohet se mbi 100 mijë euro u vodhën në Prishtinë

Mbi 100 mijë euro dyshohet se u vodhën nga një banesë në rrugën "Malush Kosova" më 30 mars në Prishtinë. Lidhur me rastin tashmë kanë filluar hetimet. Burimet e Klankosova.tv bëjnë me dije se viktima ka deklaruar se hajnat i kanë marrë 90 mijë euro para të gatshme dhe stoli rreth 15 mijë euro. Policia ka dalë në vendin e ngjarjes duke mbledhur provat për rastin në fjalë. Organet e rendit tashmë kanë iniciuar rast dhe po cilësohet si "Vjedhje e rëndë'. Aktualisht po punohet për identifikimin e të dyshuarve dhe zbardhjen e ngjarjes.