Dyshimet për keqpërdorim të votave, Çitaku: Çka tjetër duhet të bëjë Martin Berishaj që të shkarkohet?

Kandidatja për deputete nga radhët e PDK-së, Vlora Çitaku, ka reaguar pasi Prokuroria Themelore ka nisur hetimet ndaj ambasadorit të Kosovës në Kroaci, Martin Berishajt, i cili dyshohet se personalisht i çoi votat e diasporës në ambasadë. Çitaku tha se nuk e di edhe çka duhet të bëjë Berishaj për t’u shkarkuar nga detyra e ambasadorit të Kosovës në Kroaci. “Pa një zor të madh nuk ishin ngritë në këmbë i madh e i vogël brenda VV-së për me e mbrojtë”. “E në anën tjetër, nga TV Istogu, Kryeministri i përkohshëm i Kosovës së përhershme paska thënë që Kosova kurrë më mirë punët me Amerikën nuk i ka pasë”, tha Çitaku, transmeton Klankosova.tv. Më tej, ajo për Kurtin tha se ose jeton në një univers paralel ose shtrembëron fakte qëllimshëm “por, një e di, Kosova mundet #MaMirë”.