Dyshimet për incident në Dragodan, rezulton se ishte rikonstruksion për një rast që ka ndodhur më herët

Gjatë ditës së sotme, në lagjen Arbëri të Prishtinës u raportua për të shtëna me armë zjarri.  Në vendin e ngjarjes u panë edhe njësitë e Policisë së Kosovës. Megjithatë, sipas informacioneve të siguruara nga Klan Kosova, ngjarja nuk lidhet me ndonjë incident të ri, por bëhet fjalë për një rikonstruksion të vendit të ngjarjes, i realizuar nga Policia e Kosovës në koordinim me Gjykatën e Prishtinës dhe prokurorinë. Ky rikonstruksion është zhvilluar në kuadër të hetimeve për një rast të ndodhur më herët, me qëllim sqarimin e rrethanave të incidentit./Klankosova.tv