Dy vëllezër kanosin me armë një 20-vjeçar në Durrës, arrestohet njëri, tjetri në kërkim

Dy vëllezër në Durrës kanë kanosur me armë zjarri një 20-vjeçar. Policia përmes një njoftimi në Facebook ka njoftuar se njëri është arrestuar, ndërkaq tjetri është në kërkim, përcjell Klankosova.tv. “Shërbimet e Policisë, pas njoftimit se në lagjen nr. 17/1 Durrës, po ndodhte një konflikt mes disa shtetasve dhe se njëri prej tyre kishte armë zjarri me vete, menjëherë kanë shkuar në adresën e dhënë. Shtetasi që posedonte armën e zjarrit pistoletë, sapo ka parë Policinë, është larguar me shpejtësi. Shërbimet e Policisë i janë vënë në ndjekje dhe vijojnë kontrollet për kapjen e tij”. “Në vijim të veprimeve procedurale për rastin,  specialistët e Seksionit për Hetimin e Krimeve të Komisariatit të Policisë Durrës arrestuan në flagrancë shtetasin A. G., 32 vjeç dhe shpallën në kërkim vëllanë e tij, shtetasin Gj. G., 25 vjeç, banues në Durrës”, thuhet tutje në njoftimin e policisë.