Dy të vrarë në sulmet ruse ndaj Ukrainës, teksa perspektivat për bisedime mbeten të pasigurta

Sulmet me dronë dhe raketa ruse ndaj Ukrainës të shtunën vranë të paktën dy persona, përfshirë një vajzë 9-vjeçare, thanë zyrtarët e atjeshëm, teksa  mbetet pasiguria nëse diplomatët e Kievit do të marrin pjesë në një raund të ri bisedimesh paqeje të propozuar nga Moska për në fillim të javës së ardhshme në Stamboll, raporton AP, transmeton Klan Kosova. Trupat ruse lëshuan rreth 109 dronë dhe pesë raketa në të gjithë Ukrainën gjatë natës dhe të shtunën, tha forca ajrore ukrainase. Tre nga raketat dhe 42 dronët u shkatërruan dhe 30 dronë të tjerë nuk arritën të arrinin objektivat e tyre, pa shkaktuar dëme, thuhet tutje në njoftim. Vajza u vra në një sulm në fshatin Dolynka në vijën e frontit në rajonin e Zaporizhzhisë, dhe një 16-vjeçar u plagos, tha Guvernatori i këtij vendi, Ivan Fedorov. Moska nuk komentoi për asnjërin sulm.