Dy të lënduar si pasojë e një vetaksidenti në Budakovë të Suharekës

Një vetaksident ka ndodhur në fshatin Budakovë të Suharekës, ku si pasojë janë lënduar dy persona. Shkak i vetaksidentit mësohet të jetë humbja e kontrollit të drejtimit të veturës. Ndërkaq të lënduar janë duke u trajtuar në emergjencën e Spitalit të Prizrenit. Rastin për Klankosova.tv, e ka konfirmuar zëdhënësi i policisë për rajonin e Prizrenit, Vesel Gashi. "Një vetaksident ka ndodhur në fshatin Budakovë të Suharekës , pasi shoferi ka humbur kontrollin e automjetit. Si pasojë janë lënduar dy persona ku të njëjtit janë duke marr trajtim mjekësor në emergjencën e Spitalit rajonal të Prizrenit", tha Gashi. Lidhur me rastin po merret njësiti i trafikut rajonal. Po ashtu një postim kanë bërë edhe organizata vullnetare e zjarrfikësve, ku kanë treguar për ndërhyrjen e tyre për t'i shpëtuar të lënduarit.