Dy të lënduar nga dy aksidente që ndodhën në të njëjtën kohë në rrugën Kllokot - Viti

Në aksin rrugor Kllokot – Viti kanë ndodhur dy aksidente brenda një periudhe të shkurtër kohore, ku pësuan lëndime të lehta trupore dy persona. Lajmin për Klankosova.tv e ka konfirmuar zëdhënësi i policisë për rajonin e Gjilanit, Valon Osmani. Ai tha se në të njëjtin aks rrugor, afër njëri-tjetrit, kanë ndodhur dy aksidente, me dy persona që mbetën të lënduar nga të dyja aksidentet. Të lënduarit po marrin trajtim në Spitalin e Gjilanit. “Në të njëjtit lokacion kanë ndodhur dy aksidente në të njëjtën kohë rreth orës 19:50. Aksidenti ka ndodhur mes dy automjeteve me targa civile, lëndime të lehta trupore kanë pësuar dy persona, në njërin aksident njëri, në njërin tjetri. Hetuesit janë në vendngjarje”, tha Osmani, për Klankosova.tv.