Dy këmbësorë goditen nga vetura në Deçan

Dy persona janë goditur nga një veturë sot në rrugën "Luan Haradinaj" në Deçan. Lajmin për Klankosova.tv e ka konfirmuar zëdhënësi i policisë për rajonin e Pejës, Fadil Gashi, i cili njoftoi edhe për gjendjen e të lënduarve. "Janë jashtë rrezikut për jetën. Kanë marrë tretman mjekësor në emergjencen e spitalit rajonal, nuk kanë lëndime serioze. Pas marrjes së trajtimit janë liruar në shtëpi", deklaroi Gashi. Gashi bëri të ditur se rasti po hetohet dhe vendi i ngjarjes po ekzaminohet nga hetuesit rajonalë të aksidenteve. Klankosova.tv merr vesh se të lënduarit janë babë e bijë.