Duncan: S’kam pasur dëshmi që ekzistonte Shtabi i Përgjithshëm nga pikëpamja ushtarake

Ish-diplomati britanik, John Stewart Duncan gjatë dëshmisë së tij në Hagë, është pyetur ndër të tjera edhe për Shtabin e Përgjithshëm të UÇK-së. Nga avokati i Kadri Veselit, Rodney Dixon, Duncan u pyet nëse Shtabi ishte një organ i mirëfilltë që komandonte këtë organizatë. “Kam dëgjuar të përmendet Shtabi i Përgjithshëm, por këtë në deklarata politike kryesisht. Nga aktakuza kam kuptuar se është krijuar në mes të viteve '90-ta kur UÇK-ja ishte një organizatë tejet e ndryshme, shumë më e vogël dhe po dëshironin t’i jepnin një titull grandioz vetes si Shtabi i Përgjithshëm”. “Por, në kohën sa kam qenë atje, nuk kam pasur asnjë dëshmi që ekzistonte një shtab i përgjithshëm nga pikëpamja ushtarake”, tha Duncan ./Klankosova.tv