Dua Lipa në Chanel, fustanin mahnitës që dikur e modeloi Claudia Schiffer (FOTO)

Ylli i njohur botëror, nga Prishtina, Dua Lipa, mbrëmë mahniti të gjithë me paraqitjen e saj me një fustan të bardhë në eventin Met Gala. Fustani i saj qe zgjedhje nga Chanel, dhe i takonte modës së lashtë të vjeshtës 1992, përcjell klankosova.tv. Ai ishte punuar dikur me shumë delikatesë nga stilisti i njohur, tashmë i ndjerë, Karl Lagerfeld. Ky fustan, që jepte ndjesinë e një princeshe, fillimisht ishte modeluar dikur në pasarela, nga muza e Lagerfeld, Claudia Schiffer. [caption id="attachment_2050774" align="aligncenter" width="524"] Claudia Schiffer[/caption] Fustani përfundon me thekë të shkurtuar dhe të zgjatur që jo vetëm e zgjat fundin, por i jep atij një paraqitje tjetër. [caption id="attachment_2050776" align="aligncenter" width="1500"] Diamanti i Dua Lipas[/caption] Fustani fillimisht ishte veshur me një kapele me lule, por Lipa e kombinoi të sajën me një diamant mahnitës nga Tiffany & Co. "Kjo gjë e vogël", tha ajo me shaka në tapetin e kuq. "Jam shumë me fat që mund ta shfaq atë në Met Gala’’, u shpreh ajo mes tjerash. [caption id="attachment_2050773" align="aligncenter" width="1500"] Dua Lipa[/caption]