Dua Lipa: Kam marrëdhënie të komplikuar me rrjetet sociale

Së fundmi, Dua Lipa ka treguar se ka një marrëdhënie të komplikuar me rrjetet sociale. Në një intervistë për Vogue, këngëtarja me famë botërore, ka thënë se e vetmja gjë që ndikon në humorin e saj janë rrjetet sociale. Komentet negative për të nuk i kanë bërë mirë dhe për shkak të kësaj, ajo ka vendosur të heqë dorë nga menaxhimi i tyre për qenë më e qetë. Llogaritë e artistet nga Prishtina, i menaxhon dikush tjetër. “Kjo nuk duhet të jetë mënyra sesi unë e përjetoj këtë eksperiencë që të vjen një herë në jetë. Po më pengonte me vetëbesimin. Bëhesha super nervoze duke vrarë mendjen se ç’do të thonin të tjerët.”, ka thënë Dua, transmeton Klan Kosova. Viti që shkoi ishte një vit i madh për karrierën e 25 vjeçares. Më 27 mars, ylli i muzikës pop publikoi albumin e saj të dytë me titull “Future Nostalgia”. Në nëntor, ajo u nominua për gjashtë çmime Grammy duke përfshirë “Albumin e vitit” dhe “Albumin më të mirë pop-vocal”.