Dua Lipa fiton çmimin për këngëtaren më të mirë britanike në "Brit Awards"

Këngëtarja kosovare, Dua Lipa, e ka fituar çmimin si artistja më e mirë britanike në ngjarjen më të madhe "Brit Awards". Lipa tha se këtë çmim do ta ndajë me infermieren Dame Elizabeth Anionwu, profesoreshë e infermierisë në Universitetin e Londrës. Dua Lipa bëri thirrje për një rritje page për stafin e NHS, duke thënë se është "shumë mirë të duartrokasim për ta, por ne duhet t'i paguajmë". Para fitores së saj, Dua Lipa  e veshur me një minifund të Union Jack - interpretoi një mix të hiteve të saj. Ajo tha se dëshironte të bënte diçka ndryshe me performancën e saj, shkruan BBC, transmeton Klan Kosova. "Duke qenë përsëri në skenën e Brits, unë doja të bëja diçka ndryshe, diçka të veçantë, kështu që ka presion, por unë jam shumë e ngazëllyer... unë thjesht vendosa të shkoj atje me performancë". https://twitter.com/BRITs/status/1392227381604233219