Dua Lipa do të mungojë në Met Gala, është në xhirimet e filmit të saj të parë

Duket se sivjet nuk do të shohim veshjen e Dua Lipas në atë që konsiderohet  si nata më e madhe e modës, Met Gala. Kjo meqë, këngëtarja shqiptare me famë botërore, po merret me xhirimet e filmit të saj të parë. TMZ dhe Daily Mail raportojnë se ylli i popit e ka refuzuar ftesën për Met Gala, sepse aktualisht gjendet në Britani të Madhe duke punuar për debutimin e saj në një film. Sipas të dy mediave, xhirime janë duke u zhvilluar për thrillerin e ardhshëm aksion Argylle, përcjellë Klankosova.tv. Në Argylle, që drejtohet nga Matthew Vaughn, luajnë ndër të tjerë Henry Cavill, Samuel L. Jackson, Catherine O'Hara dhe Bryce Dallas Howard. Met Gala do të mbahet të hënën, më 13 shtator dhe Dua më parë mori pjesë në vitin 2019, e veshur nga Versace.