Dronët dhe sulmet kibernetike sfidojnë sigurinë e aviacionit në Evropë

Dronët që u panë në hapësirën ajrore të Kopenhagës dhe Oslos, së bashku me një sulm kibernetik që preku aeroporte kryesore si Heathrow, Brukseli dhe Berlini, po testojnë sigurinë dhe rezistencën e infrastrukturës ajrore evropiane. Incidentet e fundit kanë shkaktuar ndërprerje të fluturimeve dhe shqetësime të mëdha për rrezikun e sulmeve të koordinuara që mund të shkaktojnë probleme më serioze në sistemin e aviacionit. Në Danimarkë, dronët bllokuan për disa orë fluturimet në aeroportin kryesor të Kopenhagës. Kryeministrja daneze, Mette Frederiksen, lidhi këtë ngjarje me një seri të sulmeve të dyshuara nga dronë rusë dhe çrregullimeve të tjera në hapësirën ajrore të Evropës, raporton Reuters, transmeton Klankosova.tv. Ekspertët paralajmërojnë se kërcënimet hibride, që përfshijnë pajisje teknologjike dhe sulme kibernetike, po bëhen gjithnjë e më të zakonshme dhe sfidat për sigurimin e aeroporteve janë të mëdha. Përmirësimi i teknologjisë dhe mbrojtja e infrastrukturës kërkojnë investime të mëdha dhe kohë për t’u implementuar. Kjo situatë nxit nevojën për masa më të forta sigurie dhe bashkëpunim më të ngushtë ndërmjet vendeve për të parandaluar sulme potenciale që mund të dëmtojnë rëndë aviacionin civil në kontinent.