Drita s’ka të ndalur

Skuadra gjilanasa Drita po e vazhdon serinë pozitive në Albi Mall Superligën e Kosovës në Futboll. Në xhiron e 16-të, liderët e tabelës pritën Dukagjinin e Klinës. Në pjesën e parë, ishte Besnik Krasniqi ai që i dha avantazhin gjilanasve në minutën e 31-të. E për të vulosur fitoren, u përkujdes Kastriot Selmani duke shënuar në minutën e 89-të. Me këtë fitore, Drita mban kreun, 9 pikë mbi Malishevën që zë vendin e dytë aktualisht me 28 pikë. Dukagjini në anën tjetër, po lufton për mbijetesë. Nga 16 ndeshje ka tubuar 17 pikë dhe për momentin gjendet në vendin e 8-të. /Klankosova.tv