Drita përmbys Llapin dhe afër ta forcojë pozitën e parë

Pjesa e parë u takoi llapjanëve, pasi Blendi Baftiu i dha epërsinë që në minutën e 22-të. Por në të dytën vendasit treguan forcën e tyre, duke përmbysur rezultatin me dy golat e Albert Dabiqaj, raporton Klankosova.tv. Paraprakisht një gol të Dritës e anuloi sistemi VAR, pasi Arb Manaj kishte shkaktuar ndërhyrje të pa lejuar. Gjilanasit që janë liderë të kampionatit, me fitore eventuale sot, do të shkëputeshin plot 5 pikë nga ndjekësi i parë, Ballkani. “Xhebrailat” nuk shkuan mbrëmë më shumë se një barazim 1-1 kundër Prishtinës, andaj “Intelektualët” e kanë mundësinë që të krijojnë diferencë edhe më të madhe, para se të dielën të udhëtojnë në Suharekë për t’u përballur me kampionin aktual. Nga ana tjetër ekipi nënkampion i Kosovës, ndodhet në zonën e barazhit, pasi me 16 pikë, ka prapa vetëm Ferizajin dhe Feronikelin’74, njofton Klankosova.tv. Për t'u rikthyer në garë për pozitat e para, llapjanët duhet të lënë gjurmë në duelin e sotëm. Drita – Llapi po transmetohet direkt në kanalin Sport 1 të platfromës kryesore shqiptare, Art Motion.