Drita humb shansin për Ligën e Kampionëve, por ëndrra evropiane vazhdon

Drita ka humbur 0:1 në shtëpi nga Kopenhaga në ndeshjen e kthimit të rrethit të dytë kualifikues për në Ligën e Kampionëve. Ishte Andreas Cornelius ai që realizoi për 0:1 në minutën e 42-të të takimit. Pikërisht ndaj Corneliusit ishte ndërhyrja që i kushtoi me karton të kuq Liridon Balajt në minutën e 27-të. Kështu danezët fituan me rezultat total 0:3 ndaj kampionit në fuqi të Kosovës që tash i mbetet të luftojë për një vend në Ligën e Evropës.