Drita dhe Gjilani gjejnë fitore kurse Trepça ’89 ndan pikët me Besën

Janë përmbyllur ndeshjet e para të xhiros së 32 në Superligën e Kosovës në Futboll, ku fitore gjetën Drita dhe Gjilani, kurse Trepça ’89 i ndau pikët me Besën. Spektakël i golave ishte ndeshja në mes të Arberias dhe Gjilanit, ku vetëm në pjesën e parë u shënuan katër gola, njofton Klan Kosova. Besar Musolli u bë i pari në minutën e ‘5 që shënoi, e gjashtë minuta më vonë në minutën e ’11 ishte Marclei ai që barazoi për vendasit. Almir Kryeziu e dërgoi në epërsi Arberin në minutën e ’20, por në minutën e ’39 ishte Gerhard Progni që e barazoi lojën për të shkuar në pushim me rezultat 2 me 2. Pjesa e dytë nisi mirë për lipjanasit ku shënuan përmes Kreshnik Bahtirit në minutën e ‘53, por gjithçka u përmbys në dhjetë minutat e fundit ku me ndihmën e Gerhard Prognit në minutën e ’83 dhe Shend Kelmendit në minutën e ’89 e ndihmoi Gjilanin ta përmbyll ndeshjen me fitore. Rezultati final 3-4 në favor të Gjilanit. Lojë të mirë bëri edhe Drita, ku e dominoi Feronikelin me tre gola të shënuar, me anë të Festim Alidemajt në minutën e ’15 nga pika e bardhë, Astrit Fazliu në minutën e ’49 edhe Xhevdeti Shabanit në minutën e ’74. Golin e nderit për Feronikelin e dha Marko Simonovski në minutën e ’83. Rezultati final i ndeshjes 3-1 në favor të Dritës. Ndeshja në mes të Trepçës ’89 dhe Besës përfundoi me barazim, edhe pse pjesa e parë përfundoi me avantazh të pejanëve, ku shënuan më ndihëm të Diellor Besenit në minutën e ’20. Ndërsa për ta përmbyllur ndeshjen ishte Arbnor Muja i Trepçës që shënoi në minutën e ’64. Rezultati final 1-1 Këto ishin ndeshjet e para të xhiros se 32 të Superligës në Futboll. Ndërsa ndeshjet e tjera të kësaj xhiroje, luhen nesër ku pritet të përballet Drenica me Ballkanin dhe Llapi me Prishtinën, të dy këto ndeshje startojnë nga ora 15:00 drejtpërdrejtë në Artmotion. Këto janë të gjitha golat nga ndeshjet e së shtunës: https://www.youtube.com/watch?v=xPto3egvJVU