Drejtori i Kombëtares së Kosovës: Jemi të motivuar në maksimum për fitore kundër Greqisë

Drejtori teknik i kombëtarës së Kosovës Muharrem Sahiti, ka thënë për Klan Kosova se futbollistët janë në maksimum të motivuar për të dal fitues nga përballja me Greqinë. Sahiti tha se një arsye shtesë është dita e sotme e cila lidhet me çlirimin e vendit tonë. "Pikërisht unë e thashë që motivimi është në maksimum dhe këta janë të vetëdijëshëm. Presidenti Ademi para nisjes sot ka mbajtu një fjalim para futbollistëve, ua ka përkujtuar këtë datë, këtë ditë të çlirimit të Kosovës edhe e ka lidhur shumë mirë edhe me lojën e sontme . E keni një kundërshtar çfare e kemi pasur edhe gjatë luftës. Sot e kemi në kontekstin e futbollit dhe duhet ta japim maksimumin për të dal fitues. Prandaj, në maksimum është motivimi "- tha Sahiti. Sonte Kosova synon të fitojë ndaj Greqisë për të marrë lidershipin në Grupin 2 të Ligës C, ku bën pjesë edhe me Irlandën e Veriut dhe Qipron.