Drejtori i CIA-s shkon në Katar

Disa zyrtarë të nivelit të lartë amerikan, duke përfshirë shefin e CIA-s, William Burns, po shkojnë në Lindjen e Mesme këtë javë për të lobuar për planin e armëpushimit të Gazës të përshkruar nga presidenti i ShBA-së Joe Biden, raporton faqja amerikane e lajmeve Axios.

Burns do të shkojë në Katar të martën, ndërsa këshilltari i Bidenit për Lindjen e Mesme, Brett McGurk do të udhëtojë në Egjipt të mërkurën, tha Axios, duke cituar një zyrtar të paidentifikuar amerikan dhe burime të tjera "me njohuri të drejtpërdrejta".

Si Burns ashtu edhe McGurk kanë lëvizur midis kryeqyteteve të Washingtonit dhe Lindjes së Mesme gjatë luftës gati tetë-mujore në Gaza për bisedime me palët kryesore të interesuara rajonale.