Drejtori i Bordit të TRUST-it: Jam kundër tërheqjes së mjeteve (VIDEO)

Mysafir i radhës në këtë edicion të DPT te Fidani, ishte Emanuel Bajra, kryesues i Bordit të Trustit të Kursimeve Pensionale të Kosovës. Me zotëri Bajrën, në Klan Kosova u diskutua rreth zhvillimeve botërore, sidomos në ekonomi. Pashmangshëm u fol edhe për TRUST-in, një nga temat me mjaft interes për qytetarët e Kosovës. Kreu i Bordit të TKPK-së u pyet direkt nga autori i emisionit Fidan Jupolli, se a do të lejohen për tërheqje mjetet e kursimeve pensional. Ai u përgjigj se është kundër këtij opsioni. “Unë jam kundër këtyre lëshimeve të TRUST-it. Kjo për shkak se TRUST-i duhet të kuptohet si entitet kursyes e jo investues, jo kur të na teket të shkojmë dhe t’i marrim paratë, për shkak  se ajo e afekton edhe vlerën e TRUST-it vet, por e afekton edhe të ardhmen e çdo kontributdhënësi kosovar. Kështu që nuk e kisha rekomandu”, deklaroi Bajra në Klan Kosova. https://www.youtube.com/watch?v=ZgKZaiKX6-E