Drama Harry Potter dhe Fëmija i Mallkuar vjen në vitin 2016

JK Rowling, ka njoftuar se personazhi i librave të saj Harry Potter, do të vijë në një dramë skenike në vitin 2016, shkruan BBC, transmeton Klan Kosova.

I quajtur “Harry Potter dhe Fëmija i Mallkuar”, ky libër do të shpalosë histori të pa treguar të djalit magjistar, duke përfshirë edhe jetën e prindërve të tij të vrarë.

Ajo njoftimin e ka bërë përmes Twitter, të premten, për shkak se për të ishte një ditë e veçantë, 18 vjetori i publikimit të librit të saj, Harry Potter dhe Guri i Filozofit.

Rowling, nuk ka shpalosur shumë detaje nga drama skenike më e re, për shkak se spic ka thënë ajo, nuk dëshiron t’ua prishë surprizën fanasve të saj.