Dorëhiqet ministri i Financave i Kroacisë

Ministri i Financave i Kroacisë, Zdravko Mariq, ka thënë dorëheqje mbrëmjen e vonshme të së martës. Mariq, ishte ai që kishte iniciuar reformën e taksave dhe për kontroll strikt të shpenzimeve. Sa për dorëheqjen ende nuk janë bërë publike arsye, raporton Reuters, përcjell KlanKosova.tv. “Jemi falënderues për kontributin e tij në qeveri për gjashtë vjetët e fundit”, ka thënë zëdhënësi Marko Miliq në një qëndrim. Kryeministri Andrej Plenkoviq menjëherë e ka gjetur pasuesin e Mariq në krye të dikasterit që në portofolin e tij ka financat shtetërore. Fjala është për profesorin e Universitetit të Zagrebit, Marko Primoraq.