Dorëhiqet kryeministri i Lituanisë pas presionit për lidhjet biznesore me kunatën e tij

Kryeministri i Lituanisë, Gintautas Paluckas, tha të enjten se do të dorëhiqet, pasi u përball me presion për ta bërë këtë për shkak të lidhjeve të tij biznesore me një kompani në pronësi të kunatës së tij. Paluckas në një deklaratë tha se gabimet e tij të së kaluarës kishin penguar punën e qeverisë së tij, duke e shtyrë atë të merrte "vendimin e shpejtë dhe të sigurt" për të dhënë dorëheqjen, raporton Reuters, transmeton Klankosova.tv. Partitë opozitare në vendin baltik e kanë kritikuar Paluckas për marrëveshjet biznesore në të cilat një kompani që ai është bashkëpronar i shiti bateri elektrike një firme tjetër në pronësi të kunatës së tij, në një marrëveshje të financuar nga një agjenci qeveritare.