Lajmet e fundit
Edicioni i 14-të i festivalit ndërkombëtar i filmit dokumentar dhe të shkurtë Doku Fest, që do të mbahet në Prizren nga data 8-16 gusht, si temë kryesore do të ketë migrimin.
“Migrimi i njerëzve tani është njëra ndër çështjet më kontraverse dhe urgjente të botës sonë moderne. Përderisa kultura e ndarjes së ‘atyre’ dhe ‘neve’ dita ditës bëhet e rëndësishme në planetin tonë, çështja e migrimit rritet. Për shumë nga ne, migrimi është bërë diçka për t’u përçmuar dhe emigrantët njerëz prej të cilëve frikësohemi”, thuhet në komunikatën e lëshuar nga organizatorët e festivalit.
Në edicionin e këtij viti, në Doku Fest do të ketë një program special të filmave, ekspozita me fotografi dhe një numër të madh panelesh dhe diskutimesh të cilat do të reflektojnë temën e emigracionit.
