Besimtarë katolikë në qytetin venezuelian të Naiguata morën pjesë të enjten në traditën "Djajtë e Vallëzimit", megjithë kufizimet e COVID-19 dhe një krizë ekonomike.
Qindra persona të veshur si djaj, vallëzuan energjikisht rreth kishës së qytetit për të përfaqësuar të mirën që mbizotëronte mbi të keqen ndërsa shënuan festën e Corpus Christi.
Shumë qytete bregdetare në rajonin Guajira, në veri të kryeqytetit Karakas, gjithashtu morën pjesë në traditën e lashtë që UNESCO e ka konsideruar një Trashëgimi Kulturore Jomateriale në 2012.
Festivali konsiderohet të ketë origjinën nga priftërinjtë katolikë për të tërhequr njerëz autoktonë dhe ata me origjinë afrikane, të cilët ngurronin të hiqnin dorë nga ritet e tyre stërgjyshore, raporton AP, transmeton Klankosova.tv.
Ata që festojnë në Naiguata të enjten, duke mos dashur të pezullojnë një traditë 300-vjeçare, e adaptuan atë duke udhëhequr një procesion nëpër qytet, ndërsa përpiqeshin të mbanin distancën shoqërore.
"Është shumë polemike, sepse kishte shumë rite që nuk festoheshin, të tilla si 'Nazarenasit' ose 'Varrit të Shenjtë', të cilat ishin shumë të rëndësishme", tha Efrén Yriarte, presidenti i vëllazërisë së Djajve të Vallëzimit.
"Ne po jetojmë kohë të vështira, përmes pandemisë dhe ky është një moment për ne që të rinovojmë besimin tonë, të jemi të mbrojtur dhe të bekuar."
Turmat e zakonshme të turistëve munguan këtë vit, mes pandemisë.
https://www.youtube.com/watch?v=3_BSboP_ad4
●●●
SZSHKRIMI NGA
Sh Z
Editorial nga Klan Kosova — ndjek lifestyle dhe zhvillimet e tjera kryesore të vendit.
