Dita e pacientëve - pa edukim për kujdes, shëndeti në rrezik (VIDEO)

Në mungesë të edukimit të hershëm për shëndetin, pacientët në Kosovë po arrijnë në spitale vetëm kur gjendja shëndetësore e tyre po përkeqësohet. Andaj, po konsiderohet urgjente përfshirja e edukimit të hershëm për shëndetin edhe nëpër shkolla. Kështu u tha në Ditën Evropiane të të Drejtave të Pacientëve, gjatë një tryeze me temën “Edukimi shëndetësor në shkolla si pjesë e kujdesit të integruar shëndetësor”, e organizuar nga Shoqata për të Drejtat e Pacientëve në Kosovë (PRAK). Drejtori i programeve në PRAK, Besim Kodra tha se sistemi shëndetësor në Kosovë është i mbingarkuar për shkak të mungesës së parandalimit. Sistemi shëndetësor, sipas tij, nuk mund ta mbajë gjithë barrën e mirëqenies sociale./Klankosova.tv.