"Diss"-at mes reperëve, Rexhepi: Përfshirja e nënës dhe fëmijëve është eskalim (VIDEO)

Temë diskutimi në pjesën e parë të emisionit “Weekend” në Klan Kosova ishte rivaliteti mes reperëve Buta, Don Xhoni dhe Mossi. Pas publikimit të albumit "VJESHTË/DIMËR ’25" nga  Buta, reperi rival Mossi i ka bërë një 'thumb' në rrjete sociale, duke shkruar se i “i ke 62 kang n’vit po asnjona hit”. Me albumin e reperit, hatërmbetje pati edhe reperi Don Xhoni. “Nuk po i kuptoj qeshtu, pse duhet me qenë e nevojshëm. Pat problem me ligjin, lene rehat. Kush e përmendi Don Xhonin, pse me u prek ai, këta s’po e kuptoj”, tha gazetarja Albina Zeneli. E sipas gazetarit Agon Rexhepi “dissa-at” mund të jenë në rregull, por sipas tij përmendja e nënës dhe fëmijëve në “dissa” është eskalim. “Secili prej tyre janë reperë të dashtun. Buta është në një situatë që po tregon që ka probleme me abuzimin. Sa i përket muzikës është një prej reperëve më të mirë, ka prodhu gjana të mirë”, tha Agon Rexhepi. “Don Xhoni e ka mbajtë personalitetin e vet të drenicakut prej fillimit dhe ka prodhu shumë këngë të mira që janë dëgju”, vijoi tutje ai. Sa i përket këngës “Sorrë” nga Buta, po përflitet nëse kjo pjesë është "diss" për Don Xhonin apo Mossin Reperi nga Drenica përmes një reagimi nga Katari i Dohës shkroi se “ka na s’ka sorra, ka na ka veç shqiponja”. Ndiqeni videon në vijim për më shumë detaje:  /Klankosova.tv https://www.youtube.com/watch?v=24rLKz6rep0