Lajmet e fundit
Një numër njerëzish u plagosën gjatë një sulmi me thikë në një kishë në një periferi të Sidneit të hënën, tha policia.
Oficerët arrestuan një mashkull dhe ai po ndihmon policinë me hetime, tha një zëdhënës i policisë për Reuters, pas sulmit në Ëakeley, rreth 30 kilometra në perëndim të distriktit qendror të biznesit.
Ky është sulmi i dytë masiv i raportuar në vetëm tre ditë në Sidnei, pasi gjashtë persona u vranë në një sulm me thikë në një qendër tregtare në zonën e Bondi.
Sulmi i së hënës ndodhi gjatë një shërbimi në Kishën Christ The Good Shepherd në Wakeley dhe policia ishte ende në vendngjarje duke u përpjekur të kontrollonte turmat e mëdha të mbledhura për ngjarjen.
Të lënduarit kanë pësuar lëndime dhe jashtë rrezikut për jetën dhe janë duke u trajtuar nga mjekët, tha policia.
Mediat lokale raportuan se një udhëheqës kishe dhe disa besimtarë u goditën me thikë gjatë një shërbimi në kishë.
Shërbimi i ambulancës së Uellsit të Ri Jugor tha se të paktën katër persona u plagosën, përfshirë një burrë rreth të 50-tave, i cili u dërgua në spital në gjendje të rëndë. Në vendngjarje ndodhen 11 autoambulanca.
