Disa shtetasve serbë iu sekuestrohen mbi 100 mijë euro të padeklaruara në Merdarë

Të enjten rreth orës 21:30, në dalje të Merdares, zyrtarët policorë kufitarë kanë kontrolluar një automjet me targa të Serbisë me drejtues si dhe pasagjer meshkuj me shtetësi të Serbisë, pasi që fillimisht pasagjeri kishte deklaruar se posedonte 18 mijë euro me vete. Sipas policisë, gjatë kontrollit të detajuar nga ana e policëve kufitarë dhe zyrtarëve doganorë, në vende të ndryshme: në trupin e drejtuesit të automjetit, në një çantë në ulësen e prapme, poshtë ulëses së pasagjerit dhe në kulmin e automjetit/panoramën lëvizëse janë gjetur gjithsej 119 mijë e 180 euro, kartëmonedha (10, 20, 50, 100 dhe 200-she) të padeklaruara, transmeton Klankosova.tv. Në njoftimin e policisë bëhet e ditur se të gjitha mjetet monetare të padeklaruara (119,180 euro) janë sekuestruar përkohësisht dhe i janë dorëzuar zyrtarëve doganorë për trajtim dhe procedim të mëtutjeshëm.